हिंदोळ्यावर

घरांप्रमाणे जागोजागी दिसणारी खिल्लारं म्हणजे स्वित्झर्लंडचं वैभवच! तसंही हा देश दूधदुभत्यासाठी प्रसिद्ध आहे. त्यांच्या गायींकडे बघितल्यावर ती समृद्धी जाणवते. पण हे दृष्टिसुख अनुभवण्यापूर्वी आपले कान तृप्त होतात ते गाईंच्या गळ्यात असलेल्या स्विस बेल्सच्या विशिष्ट नादानं. या घंटा बसक्या असतात, आपल्याप्रमाणे गोलाकार नाहीत. धातू मिश्र असावा. काही घंटा पितळेच्या वाटतात तर काही अ‍ॅंटिक लुक असणार्‍या. यांचा नाद ऐकत राहावा असा. आम्ही रेकॉर्ड करायचा केलेला प्रयत्न फारसा यशस्वी झाला नाही, पण तो कानात मात्र अजूनही रुणझुणतो आहे. या संगीतानं आम्हांला जागोजागी खिळवून ठेवलं.

Advertisements